ცოტა რამ ფრინველთა შესახებ

ფრინველები ხერხემლიანი ცხოველები არიან, რომლებიც ფრენისთვის არიან ადაპტირებულნი, ბევრს ასევე შეუძლია სირბილი, ხტომა, ცურვა და ყვინთვა. ზოგიერთმა მათგანმა, მაგალითად პინგვინებმა, დაკარგეს ფრენის უნარი, მაგრამ შეინარჩუნეს ფრთები.
ფრინველები მთელ მსოფლიოში და ყველა ჰაბიტატში გვხვდებიან. ყველაზე დიდია ცხრა ფუტის სიმაღლის სირაქლემა. ყველაზე პატარაა ორი ინჩის სიგრძის ფუტკრისებრი კოლიბრი.

ფრინველის ანატომიაში ყველაფერი ასახავს მათი ფრენის უნარს. მაგალითად, ფრთები ისეა ჩამოყალიბებული, რომ ამწევი ძალა შეიქმნას. წინა კიდე უკანა კიდეზე სქელია და ისინი დაფარულია ბუმბულით, რომელიც ვიწროვდება. თვითმფრინავის ფრთები ფრინველის ფრთების მოდელითაა შექმნილი.

ფრთის ძვლები და კუნთები ასევე მაღალ სპეციალიზებულია. მთავარი ძვალი, მხრის ძვალი, რომელიც ძუძუმწოვრის ზედა მკლავის მსგავსია, ღრუა და არა მყარი. ის ასევე უკავშირდება ფრინველის საჰაერო პარკების სისტემას, რომელიც, თავის მხრივ, მის ფილტვებს უკავშირდება. მხრის ფრენის კუნთები მიმაგრებულია კილზე, ძვლის სპეციალურ ქედზე, რომელიც მკერდის ძვლის ცენტრში გადის.

ფრინველებს უნიკალური საჭმლის მომნელებელი სისტემა აქვთ, რომელიც მათ საშუალებას აძლევს, ჭამონ, როცა შეუძლიათ - ჩვეულებრივ, ფრენის დროს - და მოგვიანებით მონელონ საკვები. ისინი ნისკარტს იყენებენ საკვების მისაღებად და გადასაყლაპად. ფრინველის გამრავლების წესიც კი ფრენასთანაა დაკავშირებული. სხეულში განვითარებადი ნაშიერების დამატებითი წონის ტარების ნაცვლად, ისინი კვერცხებს დებენ და ბუდეში ათავსებენ.

ნამარხები აჩვენებს, რომ ფრინველები დინოზავრების გვერდით განვითარდნენ იურულ პერიოდში 160 მილიონი წლის წინ. ყველაზე ცნობილი ნამარხია არქეოპტერიქსი, რომელიც დაახლოებით ყორნის ზომის იყო.




წყარო: National Geographic ცხოველთა ენციკლოპედია, 2012