ქალი - პორტალი სამყაროებს შორის სულის გადასვლისთვის  

ალბათ გსმენიათ, რომ ქალის სხეული სივრცეებს ​​შორის პორტალია, რომელიც, მეცნიერულად რომ ვთქვათ, საშუალებას იძლევა, სული ბავშვის სხეულს შეერწყას. ანუ, ქალის სხეული არის ტაძარი, სადაც შეგვიძლია ჩვენი მთავარი „მე“ ადამიანის სხეულში გადმოვწეროთ, შეიძლება ითქვას, რომ მისი სხეული ძალიან რთული ბიოლოგიური ანდროიდიავითაა.

ორსულობის დროს ქალი განიცდის ძალიან სერიოზულ რესტრუქტურიზაციას არა მხოლოდ ფიზიკურ დონეზე, არამედ ფსიქოლოგიურ, ენერგეტიკულ და ყველა სხვა არსებულ დონეზე. არსებითად, ქალის სხეული ხდება პორტალი, რომელიც უზრუნველყოფს სულის გადმოსვლას ჩვენს მატერიალურ სამყაროში. ფიზიკისა და ენერგიის რესტრუქტურიზაცია ვერცერთი დედისთვის კვალის დატოვების გარეშე ვერ ჩაივლის. შესაძლოა, მან ვერც კი გაიგოს, რომ ის პორტალია, მაგრამ ტრანსფორმაცია მაინც მოხდება. 

ჩასახვის მომენტამდე ყველაფერი მიძინებულ მდგომარეობაშია, მაგრამ როგორც კი სპერმატოზოიდი კვერცხუჯრედს დაუკავშირდება -

ქალის შიგნით ყველა სისტემა აქტიურდება სხეულის გასაღვიძებლად, რომელსაც შეუძლია ახალი სულის მიღება და თავად პორტალიც ირთვება გარდამავალი პროცესის უზრუნველსაყოფად.

ჩვენ არსებითად ავატარები ვართ - ჩვენი სხეული ძალიან ოსტატურად შექმნილი ბიორობოტია, რომელსაც აკონტროლებს ის, რასაც ჩვენ სულს ვუწოდებთ. ის არის „მანქანის მძღოლი“, ჩვენი ნამდვილი მე, რომელიც ირჩევს მოძრაობის გზას.

წარმოიდგინეთ, რა უნარია ჩადებული ქალის სხეულში - დააკავშიროს მატერიალური სამყარო, რომელიც გამოიხატება ფიზიკური სხეულისა და ბიოველის სახით.

(ეს საშუალებას აძლევს ამ სხეულს ავტონომიურად არსებობდეს, იკვებებოდეს პლანეტისა და კოსმოსის ენერგეტიკული ველით) არამატერიალურ სამყაროსთან, რომელსაც ჩვენი სული ეკუთვნის.

რა ცვლილებები უნდა განიცადოს ქალმა ფსიქიკაში, როდესაც ის ხდება ამ პროცესის „დირიჟორი“ და რაღაც უზარმაზარის, საოცარის და უჩვეულოს ნაწილი?

ტვინს შეუძლია უბრალოდ დაიწვას იმის გაცნობიერებისგან, თუ რა ხდება ამ პერიოდში.

შთამბეჭდავია იმის გაგება, რაც იმ მომენტში ხდება. რამდენად შეიძლება ამან შეაშინოს ტვინი, რადგან ის ლოგიკურ ახსნას ვერ იპოვის თავის მონაცემთა ბაზაში. რამდენად რთულია შემოქმედის მიერ შექმნილი სულის სხეულში გადასვლის უზრუნველყოფის სისტემის წარმოდგენა, რომელიც  ევოლუციის თეორიას ეფუძნება.

ვვარაუდობ, რომ სწორედ ამ პერიოდში ქალის ქცევის შეგრძნებიდან გამომდინარე ხდება მშობიარობის თანმდევი და მისი შემდგომი დეპრესიების მართვაც. სხეული გრძნობს, ესმის, რომ რაღაც ხდება, მაგრამ თავად ტვინს არ შეუძლია გაუძლოს და აითვისოს ასეთი ინფორმაცია.

ორსულობის მთელი პერიოდის განმავლობაში და მშობიარობის შემდეგ, ქალი ბევრ რამეს გადააფასებს, იცვლება ღირებულებები, ნაცნობი მოვლენები, შეხების, ყნოსვის გემოვნების შეგრძნებებიც კი იცვლება და მანამდე არსებული ძირითადი საფუძვლები შეიძლება განადგურდეს - ის გრძნობს, რომ  რაღაც უფრო დიდის ნაწილია, ვიდრე ადრე აღიქვამდა. ის თავის ნამდვილ არსს იაზრებს.

ქალი უფრო ღრმა საკითხებზე ფიქრს იწყებს. შეიძლება ვივარაუდოთ, რომ  პორტალი უკვე გახსნილია და სამყაროს ენერგია იწყებს მასში დინებას, ავსებს ქალს მაგიით, ანიჭებს მას ახალ თვისებებსა და შესაძლებლობებს.

კოსმოსიდან მაგიის გამტარებელ ქალებს, რომლებიც  ეს გაცნობიერებულად იციან, შეუძლიათ ახალი ძალა გამოიყენონ საკუთარი თავისთვის, ოჯახისთვის, სამყაროსთვის. ხოლო ისინი, ვისაც ამ ყველაფრის არ სჯერა - უბრალოდ ცხოვრობენ, ქვეცნობიერად ებრძვიან მათ მიმართ განცდილი ღრმა ტრანსფორმაციის შედეგებს. და შედეგად დეპრესიას იღებენ.

ასე თუ ისე, გარდამავალი პორტალის ჩართვის პერიოდში ქალს აქვს დრო, იფიქროს, იგრძნოს, წარსული ცხოვრებიდან ბევრ რამ გადაიაზროს. ის ამ მომენტში ათას რამეზე ფიქრობს. და ამ მომენტში მოდის იმის გაგება, რომ ის, რასაც ის ადრე აკეთებდა ცხოვრებაში და ეს ასევე ეხება მის პროფესიულ საქმიანობას, შეიძლება აღარ აკმაყოფილებდეს მას. მას სურს ენერგიით, გულით იმოქმედოს, სრულად იყოს ჩართული იმ პროცესში, რასაც აკეთებს. და სწორედ ამ მომენტშია მნიშვნელოვანი, რომ ყავდეს მეგზური,

ვინც მას დაეხმარება აზრების ორგანიზებაში, ფოკუსირებაში იმაზე, რაც მის გულს რეალურად სურს და არა აღელვებულ, რაციონალურობა დაკარგულ ტვინს. ეს დაეხმარება მას მოიხსნას შიშები, რომლებიც გამომდინარეობს იმ ფაქტიდან, რომ მან ყურადღება ცხოვრების სრულიად ახალ სფეროზე გადაიტანა.

 ორსულთან კომუნიკაციისას  მთელი ყურადღება მკაცრად უნდა იყოს მიმართული ადამიანის ძირითადი არსისა და შესაძლებლობების იდენტიფიცირებაზე, იმაზე, თუ როგორ შეუძლია მას შემდგომში საკუთარი თავის რეალიზება, საკუთარი გამოცდილებისა და გულის სურვილის საფუძველზე.

ახალი დონე, რომელსაც ქალი ბავშვის დაბადების შემდეგ აღწევს, ახალი ენერგია, შეიძლება ძალიან კარგი შედეგის მომტანი იყოს, რაც მის ცხოვრებას თვითრეალიზებით აავსებს და  ბედნიერებას მოუტანს.

 მთავარია, მხარი დავუჭიროთ მას საკუთარი თავის და ახალი მდგომარეობის გაგებაში, წინა ცხოვრებისეული გამოცდილების გამოყენებით.

თქვენ, ქალებო, ორსულობის დროს გქონიათ უმაღლეს არსთან კავშირის შეგრძნება?

ნებისმიერ შემთხვევაში, იმის გაცნობიერება, რომ სხეულით ახალ სიცოცხლეს ატარებ, რომ შენში პირდაპირი მნიშვნელობით ახალი სასწაული იბადება. რომ შენ ხარ სიცოცხლის მოვლინების პორტალი, დამიჯერეთ არც თუ ადვილი გასააზრებელია. 

ქალი თავად არის სამყაროს საოცრება. თუმცა მატრიარქატულმა სამყარომ ქალის რეალური არსი და ღირსება ისე მიჩქმალა, რომ აი ამ საუკუნეშიც კი,მაგალითად ავღანეთში ბურკას ქვეშ ქალებს ცალი თვალის ახვევა მოსთხოვეს. დღესაც რეალურად არაფერი შეცვლილა, ქალები კვლავ დაკნინებულ დაჩაგრულ პოზიციაში არიან. თუმცა უკვე ბევრმა მოიკრიბა ძალა და ხმა აიმაღლა გაბატონებული მატრიარქატის წინააღმდეგ. სამწუხაროა, იმის ნაცვლად რომ ქალური და მამაკაცური საწყისი გაერთიანდეს და ჰარმონიას მიაღწიოს, რეალურად ამ თანამედროვე სამყაროშიც კი ქალებს გადასარჩენად და თავის დასამკვიდრებლად ფიზიკური და სულიერი ომების გადატანა სჭირდებათ.

და მაინც დაისმის ერთი სრულიად ლეგიტიმური კითხვა:

რატომ ცდილობს მატრიარქატი საუკუნეების მანძილზე ქალის დაჩაგვრას? ნუთუ ამდენად ეშინია მისი?