ისტორიაში 7 ყველაზე ცნობილი სერიული მკვლელი

7 - ჯეკ მფატრავი

ჩვენ მას „ჯეკ მფატრავს“ ვეძახით, მაგრამ ნამდვილად არ ვიცით, ვინ იდგა ერთ-ერთი ყველაზე ძველი და ცნობილი მკვლელობის უკან. მკვლელი 1888 წელს ლონდონის უაითჩაპელის რაიონში გამოჩნდა, ხუთი ქალი - ყველა მეძავი - მოკლა და მათი ცხედრები დასახიჩრა. პოლიცია ვარაუდობდა, რომ მკვლელი ქირურგი, ჯალათი ან სკალპელის გამოყენების ოსტატი იყო. მკვლელი საზოგადოებას და პოლიციას დასცინოდა, მათ უგზავნიდა წერილებს, სადაც აღწერილი იყო მისი ქმედებები. მიუხედავად იმისა, რომ წლების განმავლობაში ბევრი ეჭვმიტანილი დასახელდა, მკვლელის ვინაობა არასოდეს დადასტურებულა.

6 - ჯეფრი დამერი

ჯეფრი დამერმა მკვლელობები 1978 წელს, სულ რაღაც 18 წლის ასაკში დაიწყო და მკვლელობისთვის მხოლოდ 1991 წელს დააკავეს, მას შემდეგ, რაც პოტენციური მსხვერპლი გაიქცა და შეძლო პოლიცია  ვისკონსინის შტატში, მკვლელის სახლში მიეყვანა. სწორედ იქ გამოჩნდა მისი  ცხოვრების ზოგიერთი საშინელი დეტალი, ბინაში მიმოფანტული დასახიჩრებული სხეულებისა და სხეულის ნაწილების ფოტოების საშუალებით. მას მჟავას კონტეინერიც კი ჰქონდა, რომელსაც მსხვერპლთა ცხედრების თავიდან მოსაშორებლად იყენებდა. საერთო ჯამში, დამერმა 17 ადამიანი მოკლა, ძირითადად ფერადკანიანი ახალგაზრდა მამაკაცები. მან ორჯერ მოიხადა სასჯელი ციხეში - პირველად სექსუალური ძალადობისთვის და მეორედ მკვლელობისთვის - და 1994 წელს თანაპატიმარმა მოკლა.

5 - ჰაროლდ შიპმენი

ჰაროლდ შიპმენმა, ასევე ცნობილმა როგორც „დოქტორმა სიკვდილმა“, სავარაუდოდ, დაახლოებით 250 პაციენტი მოკლა. ეს ექიმი ინგლისის ქალაქ დიდ მანჩესტერში მუშაობდა 1972-დან 1998 წლამდე ორ სხვადასხვა კაბინეტში და მუდმივად კლავდა. ის მხოლოდ მაშინ დაიჭირეს, როდესაც რამდენიმე ადამიანმა, მათ შორის დამკრძალავმა ბიუროს თანამშრომლებმა, საფრთხის შემცველად მიიჩნიეს, შიპმენის მიერ გაცემული კრემაციის მოწმობების დიდი რაოდენობა, ასევე დაეჭვდნენ იმ ფაქტით, რომ შემთხვევათა უმეტესობისას ხანდაზმული ქალების გარდაცვალების მიზეზი ღამით კი არა, დღისით აღმოჩნდა. პოლიციამ გამოძიება არასწორად წარმართა და შიპმენი მკვლელობებს მანამ აგრძელებდა, სანამ სიფრთხილისშეგრძნება არ დაკარგა და მსხვერპლის მიერ მის სასარგებლოდ ანდერძის შედგენას არ სცადა, რომელშიც მას ბენეფიციარად დაასახელებდნენ, რამაც მსხვერპლის ქალიშვილი ეჭვის ქვეშ დააყენა. საბოლოოდ, 2000 წელს იგი დამნაშავედ ცნეს და 2004 წელს ციხეში თავი მოიკლა.

4 - ჯონ უეინ გეისი

მშენებლი მუშა, რომელსაც მეზობლები იცნობდნენ როგორც კეთილ და კომუნიკაბელურ ადამიანს,  ჯონ უეინ გეისი პოლიტიკაშიც იყო ჩართული და დაბადების დღის წვეულებებზე კლოუნის ფუნქციასაც კი ასრულებდა. გეისი 1978 წელს ეჭვმიტანილი გახდა, როდესაც 15 წლის ბიჭი, რომელიც ბოლოს მასთან ერთად ნახეს, გაუჩინარდა. ეს არ იყო ერთადერთი შემთხვევა, როდესაც დაკარგული ბიჭების ოჯახებმა გეისისკენ თითი გაიშვირეს, მაგრამ ეს იყო პირველი შემთხვევა, როდესაც ხელისუფლებამ ისინი სერიოზულად მიიღო. მალევე, ჩხრეკის ორდერმა პოლიციას გეისის სახლში შესვლის უფლება მისცა, სადაც სახლის ქვეშ, 1.2 მეტრის სიღრმისეულ სივრცეში დამარხული თითქმის 30 ცხედრის სუნი იდგა. იგი დამნაშავედ ცნეს 33 მკვლელობაში, გაუპატიურებისა და წამებაში,  საბოლოოდ 1994 წელს სიკვდილით დასაჯეს სასიკვდილო ინექციით.

3 - ჰ.ჰ. ჰოლმსი

ჩიკაგოს მკვლელები ჰყოლია, მაგრამ ალბათ ყველაზე მეტად შემზარავი იყო ჰ.ჰ. ჰოლმსი, ფარმაცევტი, რომელმაც სასტუმრო წამების ციხესიმაგრედ აქცია. 1893 წლის მსოფლიო გამოფენის წინ ჰოლმსი ჩიკაგოში გადავიდა საცხოვრებლად და სამსართულიანი სასტუმროს ყველანაირი საშინელი  კონსტრუქციით აღჭურვა დაიწყო, მათ შორის გაზსადენებით, საიდუმლო გასასვლელებითა და ლუქებით, ჩიხში შესასვლელი დერეფნებით, სარდაფში შესასვლელი ღარებით, ხმის იზოლირებული საფარით და წამების მოწყობილობებით, რომლებიც ლაბირინთში იყო მიმოფანტული. ხშირად ის ქირურგიულ მაგიდაზე აღვიძებდა მსხვერპლსად ფხიზელ მდგომარეობაში აგრძელებდა მისწამებას.  შემდეგ ცხედრებს შენობის ღუმელში წვავდა, ჩონჩხებს სამედიცინო სკოლებზე ყიდდა და სიცოცხლის დაზღვევის თაღლითობებს აწარმოებდა. საერთო ჯამში, მან 30-ზე მეტი მკვლელობა ჩაიდინა - რომლებიც მხოლოდ მას შემდეგ აღმოჩნდა, რაც თანამემამულე თაღლითმა ფინანსური შეთანხმების შეუსრულებლობის გამო გაამხილა - სანამ 1896 წელს ჩამოახრჩობდნენ.

2 - პედრო ლოპესი

მსოფლიოში ერთ-ერთი ყველაზე საზარელი სერიული მკვლელი შესაძლოა ჯერ კიდევ არსებობს. პედრო ლოპესი 300-ზე მეტ მკვლელობასთან არის დაკავშირებული მშობლიურ კოლუმბიაში, ეკვადორსა და პერუში. ამ მკვლელობების სულ მცირე ერთი მესამედი ტომის ქალების მიერ იყო ჩადენილი. 1980 წელს ლოპესის დაპატიმრების შემდეგ, პოლიციამ მისი 50-ზე მეტი თინეიჯერი მსხვერპლის საფლავი აღმოაჩინა. მოგვიანებით იგი ეკვადორში 110 გოგონას მკვლელობაში დამნაშავედ ცნეს და კოლუმბიასა და პერუში კიდევ 240 მკვლელობა აღიარა. „ანდების მონსტრმა“ ციხეში 20 წელიც კი არ გაატარა, რადგან კარგი საქციელისთვის 1998 წელს გაათავისუფლეს. მას შემდეგ 20 წელზე მეტია, რაც მისი ადგილსამყოფელი უცნობია.

1 - ტედ ბანდი

ტედ ბანდის უყვარდა მისი მკვლელობებით გამოწვეული ყურადღება და ყველაფერს აკეთებდა ამ ყურადღების დასამსახურებლად. აშშ-ს დასავლეთი მისი სანადირო ადგილი იყო, სადაც უცნობი რაოდენობის მკვლელობები გროვდებოდა - ძირითადად კოლეჯის ასაკის ქალები - ვაშინგტონიდან და ორეგონიდან იუტამდე და კოლორადომდე. ბანდი ერთხელ კოლორადოში დააკავეს და გატაცებისთვის გაასამართლეს, მაგრამ პატიმრობას თავი დააღწია და ფლორიდაში გადავიდა, სადაც კიდევ რამდენჯერმე მოკლა. ბანდის საბოლოო დაპატიმრებამ და მისმა შედეგებმა ერის ყურადღება მიიპყრო, რადგან მკვლელობაში ბრალდებული საკუთარი ადვოკატის როლს ასრულებდა ტელევიზიით გადაცემულ პირველ სასამართლო პროცესზე, თამამად მიესალმა ჟურნალისტებს და ამაყობდა მის მიერ ჩადენილი მკვლელობებით რომლებმაც მას პოპულარობა მოუტანა. საბოლოოდ, 1989 წელს, იგი ელექტრო სკამზე სიკვდილით დასაჯეს.