დღის ზოგადი ასტროლოგიური პროგნოზი

ვერძი ( 21 მარტი - 20 აპრილი )

      ამ დღეს შესაძლოა, მოვლენები ვერძებისთვის არასასურველი სცენარით წარიმართოს. თქვენს განწყობაზე უარყოფით გავლენას მოახდენენ „გარედან“ მოსული ადამიანები, რომლებიც ყოველგვარი მიზეზის გარეშე თავიანთი წყენისა და აგრესიის თქვენზე გადმოტანას ეცდებიან. მათთან კონტაქტი მაქსიმალურად უნდა შეამციროთ — კონფლიქტები მხოლოდ სასიცოცხლო ძალას წაგართმევთ და გამოგფიტავთ. რთული დილის მიუხედავად, დღის მეორე ნახევარი მშვიდად, ძლიერი ემოციური რყევების გარეშე ჩაივლის.


კურო ( 21 აპრილი - 20 მაისი )

      გარშემომყოფები შენიშნავენ, რომ გაღიზიანებული ხართ და კამათის მიზეზს ეძებთ. ამას ყველა სხვადასხვანაირად შეხვდება: ვიღაც გაითვალისწინებს და წვრილმანებით თავს არ მოგაბეზრებთ, ზოგი საერთოდ ურთიერთობას თავს აარიდებს, ხოლო ზოგი კი, პირიქით, კონფლიქტის გამოწვევას ეცდება. დღეს თქვენ აფეთქების ზღვარზე მყოფ დენთის კასრს ჰგავხართ — ერთი ნაპერწკალიც საკმარისია, რომ აინთოთ.

ტყუპები ( 21 მაისი - 21 ივნისი )

        ამ დღეს შეიძლება თქვენ მიმართ გამოვლენილ სიცრუეს და უსამართლობას შეეჯახოთ. შეიძლება მოგეჩვენოთ, რომ ვიღაც ცდილობს, საკუთარი წყენა და ბოღმა თქვენზე გადმოაფრქვიოს ან წარსულში არსებული კონფლიქტის გამო თქვენზე შური იძიოს. ვარსკვლავები გირჩევენ, რომ იმავე ხერხით არ უპასუხოთ, თორემ ეს ყველაფერი ხანგრძლივ მტრობაში გადაიზრდება. გახსოვდეთ: შურისძიება ადამიანს ბედნიერს ვერ ხდის.


კირჩხიბი ( 22 ივნისი - 22 ივლისი )

         კირჩხიბებო, ამ დღეს საკუთარ თავზე და ჯანმრთელობაზე ზრუნვისთვის დრო უნდა გამონახოთ. გაითვალისწინეთ, რომ გადაღლამ შეიძლება ნერვიული სტრესი გამოიწვიოს. ვარსკვლავები გირჩევენ, მუშაობა ცოტა ხნით შეწყვიტოთ და დაისვენოთ. დროა, საკუთარ თავს პატარა საჩუქარი გაუკეთოთ – იშოპინგეთ, სილამაზის სალონს ეწვიეთ ან მასაჟი გაიკეთეთ. თუ საშუალება გაქვთ, რამდენიმედღიანი შვებულება აიღეთ და გარემო შეიცვალეთ.


ლომი ( 23 ივლისი - 23 აგვისტო )

         ამ დღეს შეიძლება საკუთარ თავში ეჭვი შეგეპაროთ და გაუბედაობაც კი იგრძნოთ. იმუშაოთ ამ პრობლემაზე და რამდენიმე დღეში თავს უკეთ იგრძნობთ. თუ კოლეგებთან ან პარტნიორებთან სამუშაო გეგმების განხილვას გეგმავთ, ეცადეთ უფრო რბილად იმოქმედოთ და მოწინააღმდეგეზე ზეწოლა არ მოახდინოთ. შემოქმედებითი მიდგომა და მუშაობის უჩვეულო მეთოდები ჩანაფიქრის განხორციელებაში დაგეხმარებათ.


ქალწული ( 24 აგვისტო - 23 სექტემბერი )

         უახლოეს ხანებში შესაძლოა ისეთი სიტუაციაში აღმოჩნდეთ, რომელიც თქვენგან მტკიცე ხასიათის გამოჩენას მოითხოვს. სავარაუდოდ, ეს თქვენზე ემოციურად იმოქმედებს, რადგან შფოთვისა და პანიკისკენ ხართ მიდრეკილი. გირჩევთ, საკუთარი თავი დაარწმუნოთ, რომ ეს მხოლოდ ცხოვრებისეული გამოცდაა, თანაც დროებითი. დღის მეორე ნახევარი მშვიდად და სტაბილურად ჩაივლის, ემოციური რყევების გარეშე.


სასწორი ( 24 სექტემბერი - 23 ოქტომბერი )

         შესანიშნავი დღეა ოჯახთან ერთად ქალაქგარეთ დასვენების ან საინტერესო ფილმის საყურებლად. ერთად გატარებული დრო საყვარელ ადამიანებთან უფრო დაგაახლოებთ და ბავშვობას გაგახსენებთ, როცა ადამიანური ურთიერთობისთვის მეტი დრო გქონდათ. დაფიქრდით სწავლების განახლებაზე — მიღებული ცოდნა თქვენი შესაძლებლობების სრულად გამოვლენაში დაგეხმარებათ და თქვენს ფინანსურ მდგომარეობას გააუმჯობესებს.


მორიელი ( 24 ოქტომბერი - 22 ნოემბერი )

       ამ დღეს შეიძლება გარშემო მყოფებისთვის მიზიდულობის ცენტრად იქცეთ და ადამიანებმა რჩევის, მხარდაჭერის ან დახმარების თხოვნით მოგმართონ. ვიღაცამ შეიძლება ძველი წყენაც კი გაგახსენოთ. მოიქეცით ისე, როგორც საჭიროდ ჩათვლით და ნუ ეცდებით ყველას ასიამოვნოთ. ახლობელი ადამიანის თითქოს საწყენი სიტყვები გულთან ახლოს არ მიიტანოთ – ზოგჯერ დაუფიქრებელ სიტყვებს ყველა ვამბობთ.


მშვილდოსანი ( 23 ნოემბერი - 21 დეკემბერი )

        ეს დღე წარმატებულია ნებისმიერი ახალი საქმისთვის. მოემზადეთ მოულოდნელი შეხვედრებისთვის — ძველმა ნაცნობებმა შეიძლება თავი შეგახსენოთ, თუმცა ეს შეხვედრები, მეგობრული ურთიერთობის აღდგენაზე მეტად სასარგებლო კავშირების დამყარებისკენ იქნება მიმართული.


თხის რქა ( 22 დეკემბერი - 21 იანვარი )

        თხის რქებო, გაანებივრეთ თავი რაიმე სასიამოვნოთი. უარს ნუ იტყვით იმ ნივთების შეძენაზე, რომლებზეც დიდი ხანია ოცნებობთ. რაც მეტი დადებითი ემოცია გექნებათ, მით უფრო გაუმჯობესდება თქვენი განწყობა და შრომის უნარი. შემოსავლის გაზრდით არა მხოლოდ საკუთარი თავის, არამედ საყვარელი ადამიანების გახარებასაც შეძლებთ. ეს შეგახსენებთ, რამდენად დამოუკიდებელი და ფინანსურად ძლიერი გახდით.


მერწყული ( 22 იანვარი - 19 თებერვალი )

        ამ დღეს შესაძლებლობა გექნებათ, რომ საკუთარი გონიერება და ინტელექტი გამოაჩინოთ. გარშემომყოფები თქვენს უნარებს ღირსეულად დააფასებენ და თავადაც კმაყოფილი დარჩებით საკუთარი თავით. კვირის ბოლო სახლის მოწესრიგებას და დასუფთავებას დაუთმეთ. გადახედეთ ნივთებს, რომლებსაც დიდი ხანია აღარ იყენებთ. გადაყარეთ ან გააჩუქეთ ის, რაც თქვენთვის უკვე უსარგებლოა.


თევზები ( 20 თებერვალი - 20 მარტი )

          თქვენი გეგმები შეიძლება მოულოდნელად შეიცვალოს — ამის მიზეზი რაღაც ახალი ინფორმაცია იქნება, რომელსაც მოგვიანებით გაიგებთ. ნუ აჰყვებით საკუთარ კაპრიზებს — ამან შეიძლება ახლობელ ადამიანებთან ურთიერთობაზე იმოქმედოს. შეცდომების თავიდან ასაცილებლად ყოველი ნაბიჯი ყურადღებით უნდა დაგეგმოთ, შედეგები შეაფასოთ და პასუხის გაცემა არ იჩქაროთ. ამ ეტაპზე შემთხვევითი ნაცნობობა კარგი იდეა არ არის — ამის გამო შეიძლება საკუთარ ვალდებულებებს უღალატოთ.